បច្ចេកទេសការយកទៀបមកផលិតជាថ្នាំសម្រាប់ការពារសត្វល្អិត

បច្ចេកទេសការយកទៀបមកផលិតជាថ្នាំសម្រាប់ការពារសត្វល្អិតៈ

១. សមាសធាតុប្រឆាំងនឹងសត្វល្អិត

ស្លឹកទៀប មានផ្ទុកនូវសមាសធាតុ Alkaloids រីឯគ្រាប់ទៀបមានផ្ទុកសមាសធាតុឈ្មោះថា Acetogenins ដែលបង្អាក់សកម្មភាព ក្នុងការផលិតថាមពលរបស់សត្វល្អិត។

២. ផ្នែកប្រើប្រាស់

- ផ្លែខ្ចី

- គ្រាប់

- ស្លឹក

- ឫស

៣. វិធីផ្សំ និង វិធីប្រើប្រាស់

៣.១.ថ្នាំផ្សំពីស្លឹកទៀប÷

- ហាន់ស្លឹកទៀបស្រស់ ទម្ងន់កន្លះ (០.៥) គីឡូក្រាម

- ស្ងោរស្លឹកទៀបជាមួយទឹក ២លីត្រ រួចរម្ងាស់ឲ្យនៅសល់ត្រឹមតែកន្លះលីត្រ

- ច្រោះល្បាយចម្រាញ់យកទឹកមេថ្នាំ

- លាយទឹកមេថ្នាំ ជាមួយទឹកចំណុះ ១០-១៥ លីត្រ រួចស្រោច ឬបាញ់លើរុក្ខជាតិដែលទទួលរងការបំផ្លាញពីសត្វល្អិត។

៣.២.ថ្នាំផ្សំពីគ្រាប់ទៀប÷

- យកគ្រាប់ទៀបទម្ងន់ ៥០០ ក្រាម (០.៥ គីឡូក្រាម) មកកិន ឬបុកឲ្យម៉ដ្ឋ

- យកគ្រាប់ទៀបម៉ដ្ឋខាងលើ លាយជាមួយទឹក ២០ លីត្រ រួចរក្សាទុក ១-២ ថ្ងៃ

- យកទឹកថ្នាំខាងលើ បាញ់ទៅលើរុក្ខជាតិដែលទទួលរងការបំផ្លាញពីសត្វល្អិត។

៤. ប្រសិទ្ធភាពលើសត្វល្អិត

- ចៃ

- កណ្ដូប

- មមាចត្នោត

- មមាចខៀវ

- អណ្ដើកមាស

ប្រភព៖ អភិវឌ្ឍន៍វិស័យកសិកម្មកម្ពុជា/សេវាកម្មប្រឹក្សានិងរៀបចំគំរោង