វិធីកម្ចាត់ខ្យងមាសលើដំណាំស្រូវ

++ វិធីកម្ចាត់ខ្យងមាសលើដំណាំស្រូវ ++

* លក្ខណៈនៃការបំផ្លាញ

ខ្យងមាសជាប្រភេទសត្វដែលធ្វើការបំផ្លាញខ្លាំងលើដំណាំស្រូវស្ថិតក្នុងដំណាក់ កាលសំណាប និងលូតលាស់ ជាពិសេសនៅលើស្រូវដែលដាំដោយគ្រាប់ ដែលមានអាយុកាល ៣០ថ្ងៃ បន្ទាប់ពីសាប ឬព្រោះ។

* លក្ខណៈទូទៅ

ខ្យងមាសមានសំបុរពណ៌លឿង ទៅត្នោតក្រម៉ៅ (រូបទី២)។ សំបកវាមានសំបុរភ្លឺជាងប្រភេទខ្យងក្នុងស្រុក។ ពងរបស់វាមានពណ៌ផ្កាឈូកស្រស់ (រូបទី១ និងទី២)។ និងប្រែទៅជាពណ៌ផ្កាឈូកថ្លា នៅពេលដែលវាជិតញាស់  នៅក្នុងកំឡុងរដូវក្តៅ។ ខ្យងមាសអាចរស់នៅក្នុងដីបានរយៈពេល ៥ខែ (ជាជីវិតក្រាំង) ហើយវាចាប់ងើបចេញមកវិញនៅពេលដែលមានទឹក។ ខ្យងមួយអាចរស់នៅបានរយៈពេល៣ឆ្នាំ។

* វិធានការគ្រប់គ្រង និងកម្ចាត់

- ដំឡើងផ្ទាំងកញ្ចក់ទំហំ ៥មម នៅក្នុងស្រែដើម្បីកាត់បន្ថយខ្យងកុំឲ្យចូលក្នុងស្រែ និងងាយស្រួលក្នុងការប្រមូលដោយដៃ

- គ្រប់គ្រងទឹកឲ្យបានល្អ និងពន្លិចទឹកឲ្យលិចក្នុងរយៈពេល២សប្តាហ៌ដំបូង

- ស្ទូងសំណាបចាស់ៗ មានអាយុចាប់ពី៥០ថ្ងៃឡើងទៅ ដាក់បង្គោលឈើ ឬឬស្សី នៅក្នុងស្រែដើម្បីឲ្យខ្យងពងដាក់ បន្ទាប់មកប្រមូលពងយកទៅកម្ទេចចោល

- ដាំដំណាំបង្វិល ស្រូវជាមួយដំណានៅតំបន់ខ្ពង់រាប

- កម្ចាត់ស្មៅទាំងនៅក្នុង និងនៅក្បែស្រែឲ្យបានស្អាត

- ប្រសិនមានចំនួនខ្យងមាសច្រើន ត្រូវប្រើថ្នាំពុលកសិកម្មដូចជាថ្នាំ metaldehyde or niclosamide. អនុឡោមទៅតាមការណែនាំនៅលើសំបកថ្នាំ។

* ការការពារ

ការពារខ្យងមាសមិនឲ្យចូលក្នុងស្រែដោយធ្វើការច្រោះទឹកនឹងសំណាញ់នៅពេលយើងបង្ហូទឹកចូលទៅក្នុងស្រែ

សម្អាតសម្ភារ (ជាពិសេសគ្រឿងប្រមូលផល) មុនចូលទៅក្នុងស្រែមួយទៀត

មុនពេលដាំដុះត្រូវបង្កើតចង្អូ បន្ទាប់មកដាក់ទឹកទឹកចូលទៅក្នុងចង្អូបន្តិចដើម្បី

ស្ទូង ជំនួសការដាំដោយគ្រាប់

ដាំដំណាំស្រូវបង្វិលជាមួយដំណាខ្ពង់រាប ឬដាំស្រូវឡើងទឹក

* ការអង្កេត

អង្កេតមើលឲ្យបាន ៣ដងក្នុងមួយសប្តាហ៌

ប្រសិនបើប្រជាកររបស់ខ្យងកើនឡើងច្រើន លើសពី៥ក្បាលឡើងទៅក្នុងមយយម៉ែត្រការ៉េ ប្រើវិធានការកម្ចាត់

* ការកម្ចាត់

ដាក់បង្គោលឬស្សី (ប្រវែងប្រហែល ៣០០ស.ម) ទៅក្នុងស្រែ. ដើម្បីឲ្យខ្យងពងដាក់នៅក្នុងស្រែ បន្ទាប់មកប្រមូលទាំងនេះយកទៅកម្ទេចចោល

បង្ហូទឹកចេញពីស្រែ បន្ទាប់មកប្រមូលខ្យងយកទៅកម្ទេចចោល ដោយប្រើកញ្ក្រែង ឬកន្ត្រង

ប្រលែងទៅក្នុងក្នុងស្រែ ទា៥ទៅ១០ក្បាល រយៈពេល១ខែ

ប្រសិនបើប្រជាករមានតិច ចាប់ដោយដៃ បន្ទាប់មកយកទៅកម្ទេចចោលឬធ្វើជាកំប៉ុស្ត

បង្កើតជាទិវាកម្ចាត់ខ្យង

ប្រើអន្ទាក់: យកដើមល្ហុង, ដំឡូងជ្វា ឬស្លឹកដំឡូងមី ចងជាបាច់. ដាក់ទៅក្នុងទឹកជិតភ្លឺស្រែ រយៈពេល២៤ម៉ោង. បន្តាប់មកប្រមូលខ្យង និងកម្ទេចចោល

ប្រើថ្នាំ Metaldehyde

ប្រើថ្នាំ Niclosamide

ប្រើថ្នាំកម្ចាត់ផ្សិតនៅពេលមានការបំផ្លាញពីជំងឺធ្ងន់ធ្ងរ

ចំណាំ:- គ្រប់ថ្នាំកសិកម្មទាំងអស់ត្រូវអនុវត្តការប្រើប្រាស់ទៅតាមការណែនាំនៅលើស្លាកសញ្ញារបស់ថ្នាំ

ចំណាំ: ជៀសវាងបង្កើនភាពរបស់សត្វល្អិត, ដោយប្រើប្រាស់ថ្នាំនៅក្នុងក្រុម  FRAC ខុសគ្នា

ប្រភព៖ អគ្គនាយកដ្ឋានកសិកម្ម(GDA) / AgriToday