វិធីផ្សាំកូនពូជក្រូចឆ្មាសម្រាប់យកទៅដាំឆាប់បានផ្លែ

#វិធីផ្សាំកូនពូជក្រូចឆ្មាសម្រាប់យកទៅដាំឆាប់បានផ្លែ

វិធីនេះធ្វើឲ្យកូនក្រូចឆ្មាមានសុខភាពល្អ មានឬសច្រើន ធន់នឹងការរាំង ការលិចទឹក ឆាប់លូតលាស់បានលឿន និងឆាប់បានផល។

* ការជ្រើសរើសពូជ៖

- ជ្រើសរើសពូជពីមែកក្រូចដែលមានផ្លែច្រើន ថ្លោស និងកំពុងមានផលផ្លែស្រាប់

- កាត់ដើមកូនក្រូចដែលបណ្តុះរួចស្រាប់ រើសយកដើមដែលមានទំហំប៉ុនខ្មៅដៃ

- កាត់ទុកប្រវែងប្រមាណ ២ទៅ៣តឹក

* សម្ភារៈត្រូវការ៖

- កូនកាំបិតមុតសម្រាប់កាត់

- ទុយោដែលយើងញ៉ាំទឹក

- ថង់ប្លាស្ទិច

* វិធីធ្វើ៖

- កាត់កូនក្រូចដែលបានបណ្តុះរួចទុកដើមប្រមាណ ២តឹក

-​ ចិតកូនមែកសម្រាប់យកមកផ្សាំនេះឲ្យសំប៉ែតប្រវែងប្រមាណ ៤សង់ទីម៉ែត្រ

- ពេលកាត់ហើយអាចដាក់ត្រាំទឹកបន្តិច និងត្រូវយកទៅផ្សាំភ្លាម

-​ ពុះដើមនោះជាពីរចំកណ្តាលជម្រៅប្រមាណ ៤សង់ទីម៉ែត្រ

- យកមែកពូជមកស៊កចូលចន្លោះនៃដើមនោះ

- រំកិលទុយោឲ្យចំមុខតំណដើម្បីជួយទប់ដើមកុំឲ្យវារបេះចេញ

- ៧ថ្ងៃ ក្រោយមកកាត់ថង់ប្លាស្ទិចបណ្តុះកូននោះចេញ រួចយកទៅបណ្តុះក្នុងថង់ដែលធំជាងនេះ

- ត្រូវស្រោចទឹកជាប្រចាំ ១ខែក្រោយមកយើងអាចយកវាទៅដាំបានហើយ។

អត្ថបទដោយ៖ អ៊ាង សុផល្លែត

ឯកសារយោង៖ farmfriend.blogspot