បច្ចេកទេសដាំដើមក្រូចឆ្មារក្នុងលូស៊ីម៉ង់ត៏

#បច្ចេកទេសដាំដើមក្រូចឆ្មារក្នុងលូស៊ីម៉ង់ត៏

១. លូស៊ីម៉ង់ត៏អង្កត់ផ្ចិត ៨០ ស.មចំនួនពីរដាក់ត្រួតលើគ្នា (ឬមួយកង់ តែមិនសូវល្អដាក់ដីបានតិចរាក់ពេក ឬបើលូធំជាងនេះ)

២. យកដីព្រៃមុខលើពុកផុយមកលាយ ជាដីមិនជាំទឹក

៣. លាយដីបីភាគជាមួយ (ធ្យូងអង្កាម លាមកសត្វពុកផុយ អង្កាម ទន្រ្ទានខែតចិញ្ច្រាំ ម្សៅឆ្អឹងគោ សំបកគ្រាប់សណ្តែក) មួយភាគ

 ៤. កើបដីដាក់ក្នុងលូជាន់បង្ហាប់ជុំវិញ ទុកចំកណ្តាល ឱ្យពូនឡើងក្រពង់ចំកណ្តាល រក្សាទុកឱ្យវាក្លាយជាកំប៉ុស្ត ៥. ជីករណ្ទៅចំកណ្តាលជម្រៅ២០ស.ម ដាក់ជីកសិករខ្មែរមួយកំប៉ុង និងម្សៅឆ្អឹងកន្លះកំប៉ុងទឹកដោះគោ ឬជី NPK ១០០ក្រាមទ្រាប់បាតរណ្តៅ

៦. លប់ដីបង្ហាប់មួយជាន់ រួច ដាក់ជីកសិករខ្មែរកន្លះកំប៉ុង និងជីឆ្អឹងមួយក្តាប់ដៃ រួចលប់ដីបង្ហាប់ឱ្យណែន

៧. យកមែកក្រូចដែលបានផ្សាំដុះប្ញសដាក់ដាំចំកណ្តាលរណ្តៅ សង្កត់ឱ្យណែនរួចស្រោចទឹក និងមានដោតឈើជាបង្គោលចងផ្អោបទប់មែកក្រូចការពារខ្យល់បក់រង្គើរ ធ្វើឱ្យដើបក្រូចមិនអាចចាប់ប្ញសដុះលូតលាស់បានល្អ។

៨. ក្រោយពេលដាំរួចយើងត្រូវយកកំប្លោកមកដាក់គ្របនៅគល់របស់វាផង។

ប្រភព៖ សហគមន៏ កសិករ ខ្មែរ