វិធីបំបៅពូជក្រូចថ្មីដែលអ្នកចង់បាន

+ វិធីបំបៅពូជក្រូចថ្មីដែលអ្នកចង់បាន +

+++++++++++++++++++++++++

វិធីបំបៅនេះអាចអោយយើងចំណេញពេលវេលាក្នុងការដាំ បានពូជក្រូចដែលអ្នកចង់បាន ដើមក្រូចថ្មីមានសុខភាពល្អ និងឆាប់ឲ្យផល។

> សូមមើលរូបនីមួយៗសម្រាប់ការស្វែងយល់បន្ថែម

* សម្ភារៈត្រូវការ៖

- កូនកាំបិត

- កូនដើមក្រូចដែលបណ្តុះរួចដែលមានដើមប៉ុនមេដៃ

- ស្កុតសម្រាប់រុំ

- ខ្នែងភ្នែកពូជក្រូចដែលយើងចង់បាន

* វិធីធ្វើ៖

- ត្រូវលាងសម្អាតកាំបិតឲ្យស្អាតមុននឹងយកទៅកាត់យកខ្នែងភ្នែកពូជថ្មីដើម្បីជៀសវាងការឆ្លងជម្ងឺផ្សេងៗ

- ជ្រើសរើសខ្នែងភ្នែកពីដើមពូជដែលអ្នកចង់បាន ដើមនោះគឺត្រូវមានសុខភាពល្អមិនមានជម្ងឺ និងកពុងអោយផលផ្លែស្រាប់ រួចកាត់យកត្រង់ភ្នែកពន្លកនៅមែករបស់វា

- បន្ទាប់មកធ្វើការកាត់សំបករបស់ដើមសម្រាប់ធ្វើការផ្សាំ (មើលរូប)

- ក្នុងការកាត់ត្រូវលៃទំហំឲ្យប៉ុនគ្នារវាងផ្ទៃកាត់សំបកដើម និងខ្នែងភ្នែកសម្រាប់យកមកផ្សាំ

- បន្ទាប់មកត្រូវយកភ្នែកពន្លកនេះមកបិតជាប់នឹងដើម ដោយធ្វើយ៉ាងណាឲ្យស្រទាប់សំបករបស់វាទាំង២ត្រួរស៊ីគ្នា

- បន្ទាប់មកត្រូវយកស្កុតមករុំឲ្យជិត

- រយៈពេល ១ខែ ក្រោយមកយើងអាចស្រាយស្កុតនោះចេញ

- បន្ទាប់មកនៅពេលដែលភ្នែកនោះចេញត្រួយបាន ៤ឬ៥ យើងអាចកាត់ដើមផ្នែកខាងលើចោលបាន

- បន្ទាប់ពីដើមពូជថ្មីនេះលូតបានប្រមាណ ៥តឹក យើងអាចយកវាទៅដាំបានហើយ

រក្សាសិទ្ធិអត្ថបទជាភាសារខ្មែរដោយ៖ អ៊ាង សុផល្លែត
រូបភាពបន្ថែម៖ https://www.facebook.com/SOPHALLETH/posts/1077234028989914

ឯកសារយោង៖ fruitmentor.com